Redrum Teatro continúa reducindo a súa pegada ecolóxica
Redrum Teatro vén de recibir unha axuda do INAEM, organismo dependente do Ministerio de Cultura, para a adquisición de material lumínico de tecnoloxía led, así como un ordenador e unha aplicación informática para a súa implementación.
Esta liña de axudas para a modernización das estructuras de xestión artística no ámbito das artes escénicas e da música correspondente ao ano 2021 e financiada polos fondos Next Generation da Unión Europea consegue que a nosa compañía ilumine as súas propostas teatrais exclusivamente con tecnoloxía led, o que supón un aforro enerxético de máis do 80%.
Esta modernización de Redrum Teatro é unha máis das accións da compañía para tratar de reducir ao mínimo a nosa pegada ecolóxica.