Os Contos do Lobicán finalista nos Premios María Casares
O noso espectáculo Os Contos do Lobicán resultou finalista na categoría de Mellor Espectáculo de monicreques, obxectos e figuras animadas nos Premios María Casares de teatro.
Foi estreado en outubro do ano 2024 cun texto de Eva Mejuto e esta dirixido por Alex Sampayo e protagonizado por Victoria Pérez e Guillermo Carbajo.
O texto de Os Contos do Lobicán xa foi galardonado no ano 2022 co XV Premio Barriga Verde a teatro de monicreques.
A gala dos XXIX Premios María Casares, organizada pola Asociación de Actores e Actrices de Galicia, terá lugar no Teatro Rosalía de Castro da Coruña o vindeiro 3 de abril e nela competirán nas distintas categorías un total de 17 espectáculos galegos estreados ao longo do ano 2024.
Nos próximos meses este espectáculo estará presente nas programacións teatrais de localidades como Santiago de Compostela, Sanxenxo, Monforte, Burela, A Coruña, Vigo ou A Laracha.