A obra de teatro Invisibles, baseada no libro da periodista Montse Fajardo, que relata historias reais de violencia de xénero a sete mulleres galegas, despídese das táboas o vindeiro 2 de abril cunha representación no Teatro Principal de Pontevedra.

Antes da súa despedida, o público poderá gozar dela noutras localidades durante o mes de marzo: Valdoviño, o vernes 14; Leganés o luns 24; Mondariz Balneario o sábado 29 e Cotobade o domingo 30.

Esta proposta teatral está protagonizada por tres consagradas actrices galegas moi coñecidas polos seus traballos televisivos. Sheyla Fariña (Acacias 38, Rapa); Mela Casal (Mareas Vivas, Fariña, Nada es para siempre, Luar); e Neves Rodríguez (Luar, Desde Galicia para el Mundo, Serramoura).

A dirección do espectáculo está asinada por Marián Bañobre, responsable tamén da adaptación do texto xunto co dramaturgo Santiago Cortegoso. A iluminación é de Laura Iturralde e o espazo sonoro de Davide González.

Invisibles é una produción da compañía Redrum Teatro, o Centro Dramático Galego, a Deputación de A Coruña e a Concellaría de Igualdade do Concello de Pontevedra. O ano da súa estrea resultou o espectáculo triunfador nos Premios María Casares de teatro, logrando as estatuiñas a Mellor Dirección, Mellor Adaptación e Mellor Iluminación. Ademais ten o premio Luisa Villalta a proxectos de Igualdade concedido pola Deputación da Coruña.